Marel: Breytingar á samningum um viðskiptavakt við Íslandsbanka hf. og Kviku banka hf. í Nasdaq kauphöllinni á Íslandi
Gerðar hafa verið breytingar á samningum Marel hf. við Íslandsbanka hf. og Kviku banka hf. frá 21. febrúar 2020 um viðskiptavakt í Nasdaq kauphöllinni á Íslandi, með hlutabréf útgefin af Marel hf. Breytingin felur í sér að fjárhæð kaup- og sölutilboða hvors viðskiptavaka um sig verður að lágmarki 30.000 hlutir í stað 40.000 hluta áður.
Breytingin tekur gildi frá og með 5. janúar 2021.FjárfestatengslNánari upplýsingar veita fjárfestatengsl Marel í gegnum netfangið IR@marel.com og í síma 563 8001.Um MarelMarel (NASDAQ: MAREL; AEX: MAREL) er í fararbroddi á heimsvísu í þróun og framleiðslu tækja, heildarlausna, hugbúnaðar og þjónustu fyrir matvælavinnslu á kjúklingi, kjöti og fiski. Hjá Marel starfa nú um 7.000 manns í yfir 30 löndum, þar af um 720 á Íslandi. Þann 8. október lauk Marel við kaupin á TREIF, þýskum framleiðanda skurðtæknilausna, með 500 starfsmenn og um 80 milljón evrur í veltu. Árið 2019, velti Marel um 1,3 milljarði evra, en árlega fjárfestir félagið um 6% af veltu í nýsköpun og vöruþróun sem styður við aukna hagkvæmni, öryggi og sjálfbærni í matvælavinnslu. Félagið var stofnað 1983, skráð í Kauphöll Íslands árið 1992, og tvíhliða skráð í Euronext kauphöllina í Amsterdam í júní 2019.
