Kvika banki hf.: Kvika selur hlut sinn í Korta hf.
Kvika hefur undirritað samning um sölu á öllum eignarhlut sínum í Korta hf. til breska fjártæknifélagsins Rapyd. Aðrir hluthafar Korta eru einnig aðilar að samningnum. Samningurinn er gerður með fyrirvara um samþykki Fjármálaeftirlits Seðlabanka Íslands.
Kaupverðið greiðist með reiðufé. Hluti kaupverðs tekur mið af rekstri Korta á þessu ári og því liggur ekki fyrir hvert endanlegt kaupverð verður fyrr en í upphafi næsta árs. Núverandi mat bankans á kaupverði fyrir eignarhlut bankans í Korta er að það verði í samræmi við bókfært virði hlutarins um sl. áramót og hafi því ekki áhrif á afkomu bankans á þessu rekstrarári.Marinó Örn Tryggvason, forstjóri Kviku: „Það er gaman að geta tilkynnt um sölu Korta hf. sem bankinn, ásamt hópi fjárfesta, endurfjármagnaði árið 2017 í kjölfar reiðarslags sem félagið varð fyrir vegna gjaldþrots Monarch flugfélagsins. Þrátt fyrir krefjandi aðstæður á undanförnum árum hefur tekist að rétta við rekstur Korta og ánægjulegt að koma félaginu nú í hendurnar á öflugu alþjóðlegu fyrirtæki sem hyggst styðja við frekari vöxt þess.”Magnús Ingi Einarsson, framkvæmdastjóri bankasviðs Kviku og stjórnarformaður Korta: „Þessi viðskipti eru viðurkenning á því góða starfi sem unnið hefur verið í Korta undanfarin misseri og eiga stjórnendur og starfsmenn félagsins mikið hrós skilið fyrir það. Korta hefur verið í mikilli sókn og til marks um það þá óx hlutdeild félagsins á innanlandsmarkaði um yfir 60% á síðasta ári. Með nýjan og framsækinn eiganda á sviði fjártækni á bak við sig eru mikil og spennandi tækifæri til enn frekari sóknar.“
Kaupverðið greiðist með reiðufé. Hluti kaupverðs tekur mið af rekstri Korta á þessu ári og því liggur ekki fyrir hvert endanlegt kaupverð verður fyrr en í upphafi næsta árs. Núverandi mat bankans á kaupverði fyrir eignarhlut bankans í Korta er að það verði í samræmi við bókfært virði hlutarins um sl. áramót og hafi því ekki áhrif á afkomu bankans á þessu rekstrarári.Marinó Örn Tryggvason, forstjóri Kviku: „Það er gaman að geta tilkynnt um sölu Korta hf. sem bankinn, ásamt hópi fjárfesta, endurfjármagnaði árið 2017 í kjölfar reiðarslags sem félagið varð fyrir vegna gjaldþrots Monarch flugfélagsins. Þrátt fyrir krefjandi aðstæður á undanförnum árum hefur tekist að rétta við rekstur Korta og ánægjulegt að koma félaginu nú í hendurnar á öflugu alþjóðlegu fyrirtæki sem hyggst styðja við frekari vöxt þess.”Magnús Ingi Einarsson, framkvæmdastjóri bankasviðs Kviku og stjórnarformaður Korta: „Þessi viðskipti eru viðurkenning á því góða starfi sem unnið hefur verið í Korta undanfarin misseri og eiga stjórnendur og starfsmenn félagsins mikið hrós skilið fyrir það. Korta hefur verið í mikilli sókn og til marks um það þá óx hlutdeild félagsins á innanlandsmarkaði um yfir 60% á síðasta ári. Með nýjan og framsækinn eiganda á sviði fjártækni á bak við sig eru mikil og spennandi tækifæri til enn frekari sóknar.“
