Islandsbanki hf.: Íslandsbanki tilkynnir um endurkaupatilboð á Skuldabréfaútgáfu í evrum

Íslandsbanki tilkynnir í dag um endurkaupatilboð til eigenda 500 milljóna evra skuldabréfaútgáfu sem ber 1,75% vexti og er á gjalddaga 7. september 2020. Útistandandi höfuðstóll skuldabréfsins er í dag 200 milljónir evra.
Endurkaupatilboðið er liður í virkri stýringu efnahagsreiknings Íslandsbanka.Tilboðið er háð þeim skilmálum og skilyrðum sem lýst er í endurkaupalýsingu (e. Tender Offer Memorandum) sem bankinn hefur tekið saman og dagsett er 29. nóvember 2019.Tilboðið til skuldabréfaeigenda mun gilda til klukkan 17:00 þann 6. desember 2019. Niðurstaðan verður tilkynnt 9. desember 2019 og uppgjör fer fram 11. desember 2019.Umsjónaraðilar með endurkaupunum fyrir hönd bankans eru NatWest Markets og UBS.Nánari upplýsingar um endurkaupin er að finna í tilkynningu sem birt er opinberlega í írsku kauphöllinni (www.ise.ie) þar sem skuldabréfið er skráð. Að uppfylltum tilteknum skilyrðum má nálgast skilmála endurkaupatilboðs hjá umsýsluaðila endurkaupanna, Lucid Issuer Services Limited (netfang: islandsbanki@lucid-is.com, sími: +44 20 7704 0880)Nánari upplýsingar:  Fjárfestatengsl – ir@islandsbanki.is
Póstlisti Íslandsbanka
Ef þú vilt gerast áskrifandi að kauphallarfréttum Íslandsbanka þá vinsamlegast skráðu þig hér: 
www.islandsbanki.is/is/flokkur/bankinn/fjarfestatengsl   
Um Íslandsbanka
Íslandsbanki er leiðandi fjármálafyrirtæki á Íslandi með heildareignir sem nema 1.234 ma. kr. og með 25-50% markaðshlutdeild á innanlandsmarkaði. Saga Íslandsbanka spannar 140 ár af þjónustu við lykilatvinnuvegi þjóðarinnar en á þessum tíma hefur bankinn byggt upp sérþekkingu á sviði ferðaþjónustu, sjávarútvegs og orku. Framtíðarsýn Íslandsbanka er að vera #1 í þjónustu og vinna þrjú viðskiptasvið þétt saman til að tryggja góð sambönd við viðskiptavini bankans. Til að koma enn betur til móts við þarfir viðskiptavina, þá hefur Íslandsbanki þróað margvíslegar nýjar stafrænar lausnir s.s. öpp fyrir bankaþjónustu og Kass. Á sama tíma rekur bankinn skilvirkasta útibúanetið með 14 útibú staðsett á lykilstöðum um land allt. Sjötta árið í röð mældist Íslandsbanki efstur í Íslensku ánægjuvoginni  hjá viðskiptavinum í bankaþjónustu árið 2018. Íslandsbanki hefur BBB+/A-2 lánshæfismat frá S&P Global Ratings. 
www.islandsbanki.is  
Fyrirvari
Framangreind fréttatilkynning gæti vísað til spár um framtíðarhorfur sem er háð áhættu- og óvissuþáttum og getur þýtt að raunverulegur árangur verði umtalsvert frábrugðinn því sem spáð er í þessari fréttatilkynningu. Íslandsbanki hf. hefur ekki skyldu til að, og mun ekki, uppfæra þessar spár um framtíðarhorfur félagsins til að endurspegla atburði og aðstæður sem eiga sér stað eftir útgáfu þessarar fréttatilkynningar. Það er ábyrgð fjárfestis að reiða sig ekki seinna meir á spár um framtíðarhorfur sem eru settar fram í þessari  fréttatilkynningu  þar sem þær eiga eingöngu við á þeim tíma sem hún er gefin út.  Spár um framtíðarhorfur gefa ekki áreiðanlega vísbendingu um framtíðarárangur og eru allar yfirlýsingar um framtíðarhorfur félagsins fullgildar í heild sinni með tilliti til þessa fyrirvara.