REG3A fjármögnun: Fundur skuldabréfaeiganda REG3A 14 1
Þann 10. janúar 2014 gaf fagfjárfestasjóðurinn REG3A fjármögnun, kt. 431213-9900, Katrínartúni 2, 105 Reykjavík, út skuldabréf að fjárhæð kr. 9.500.000.000,-. Skuldabréfið er skráð í OMX Kauphöll Íslands undir auðkenninu REG3A 14 1. Boðað er til fundar eigenda skuldabréfaflokksins þann 7. júlí kl. 10.00 að Katrínartúni 2, 105 Reykjavík.Á fundinum verður óskað eftir afstöðu eiganda skuldabréfaflokksins til þess að sjóðurinn falli frá veðsetningu eigna eins og hún er tilgreind í útgáfulýsingu REG3A 14 1 og njóti framvegis veðréttinda skv. „almenna tryggingafyrirkomulaginu“ eins og það er skilgreint í grunnlýsingu Regins til útgáfu skuldaskjala, dags. 31. mars 2020. Á móti verður sú breyting gerð að bréfin verða ekki uppgreiðanleg fyrr en 25. ágúst 2021 eða 12 mánuðum síðar en næsti mögulegi uppgreiðsludagur. Í skilmálum skuldabréfaflokksins REG3A 14 1 kemur fram að til að samþykkja skilmálabreytingu á skuldabréfaflokknum þarf útgefandi samþykki 90% eigenda útgefinna skuldabréfa flokksins m.v. fjárhæð.Frekari upplýsingar, gögn og umboð vegna fundarins má nálgast hjá Þorkeli Magnússyni forstöðumanni skuldabréfa hjá Júpíter rekstrarfélagi hf. netfang: thorkell.magnusson@jupiter.is
