Festi hf.: Endurkaupaáætlun
Á aðalfundi Festi hf. sem haldinn var þann 21. mars 2019 var samþykkt að heimila stjórn félagsins að kaupa á næstu 18 mánuðum hlutabréf í félaginu fyrir allt að 10% af heildarhlutafé félagsins í þeim tilgangi að að setja upp formlega endurkaupaáætlun eða til að gera hluthöfum almennt tilboð um kaup félagsins á eigin bréfum, t.d. með útboðsfyrirkomulagi, enda sé jafnræðis hluthafa gætt við boð um þátttöku í slíkum viðskiptum.Stjórn Festi hf. hefur á grundvelli fyrrgreindrar samþykktar tekið ákvörðun um framkvæmd endurkaupaáætlunar um kaup á eigin bréfum í þeim tilgangi að lækka útgefið hlutafé félagsins. Áætlunin mun hefjast þann 3. mars nk. Endurkaupin munu að hámarki nema 5.000.000 hlutum eða 1,5% af útgefnum hlutum í félaginu. Félagið á í dag 1.000.000 eigin hluti. Áætlunin er í gildi til 23. mars 2020, eða fram að aðalfundi félagsins 2020.Framkvæmd endurkaupaáætlunarinnar verður í höndum Íslenskra fjárfesta hf. og verður í samræmi við lög um hlutafélög nr. 2/1995 og II. kafla viðauka reglugerðar nr. 630/2005 um innherjaupplýsingar og markaðssvik.Kaupin verða framkvæmd í áföngum, þó þannig að kaup hvers dags verða að hámarki 539.469 hlutir sem jafngildir 25% af meðaltali daglegra viðskipta með hlutabréf félagsins í Kauphöll Nasdaq Iceland í febrúar 2020. Endurgjald fyrir keypta hluti skal vera jafnt hæsta fyrirliggjandi óháða kauptilboði í hlutabréf félagsins sem liggur inni í Kauphöllinni þegar kauptilboðið er sett fram.Viðskipti félagsins með eigin hluti í samræmi við endurkaupaáætlunina verða tilkynnt í samræmi við lög og reglugerðir.Nánari upplýsingar veitir Eggert Þór Kristófersson, forstjóri Festi hf., (eggert@festi.is)
